امور غريبه في هدنيا

السلام عليكم ورحمه الله وبركاته

سبحان الله في هالدنيا أمور غريبة وأحداث عجيبة

وحده جميله وحلوه في كل مكان تلفت الانتباه لكنها امبوزه ومتكدره

ووحده متواضعه شكلها عادي لكنها بشوشه تلفت الانتباه برحابة صدرها

وحده صوتها عذاب وحلو لكن لسانها مايلوت اباطها لا ياخذ فرة على ويهها وماتقول غير الشر

وحده صوتها عادي وشويه فيه خشونة لكنها تبوق سمعك إذا تكلمت ودك تسكت وفوق كل ذي ما تقدر توصفها

وحده ضروسها بيضه ومرتبين وحلوين والسوس ما يعرفهم
لكنها ما تعرف الابتسامة والناس ما عمرهم شافوها مبتسمه

وتييك وحده عندها دريشه في وسط ضروسها و ضروسها بين الصفر وبين البرتقاليين
لكن الناس ما تشوفها إلا مبتسمه وعندها ابتسامة تخلي الفرح على الي يطالعها يرتسم

وحده قلبها صاحي ما فيه شيء لكنه جاسي ولا يوم من الأيام حس في احد

وتييك وحده مريضة فيها القلب لكن قلبها حنون وتحس بغيرها

وحده غنيه وعندها بيزات وتقدر تشتري أي شيء تبيه
لكن ما عندها أخلاق ولا أحد يحبها من الناس

وتييك وحده فقيره وعلى قد حالها عندها اشيه شويه وهي رأس مالها
لكن الكل يذكرها بالخير في النهار والليل وحب الناس لها ماله مقياس

وحده عندها ربع وايد لكن وقت الحاجة ما تجوف منهم احد

وتييك وحده عندها صديق لكنه عن شعب في وقت الضيج

متزوجين عندهم شهرة وجمال ومال
لكنهم ما يرقدون في الليل من الهم والضيج إلي في صدورهم
وفوق ذي كل يوم حرب مع بعض

وييونك ناس متزوجين على قد حالهم محد يعرفهم
لكنهم حدهم مستانسين في قمه السعادة وبيتهم كله حب وحنان

بروفيسورة عالمه ودكتوره وفيلسوفه ومخترعه لكنها تعبد بقرة البقرة

وتييك عامله اميه بسيطه ماتعرف شي لكنها صائمه قائمه وتعبد الله

وأخيرا وحده عندها ساعة جيمتها بالآلاف لكنها ما تعرف جيمة وقتها
ولا تعرف شلون تقضيه وعندها قلم غالي وفيه فص من اللؤلؤ
لكنها ما تعرف تكتب شيء يفيد

وتييك وحده شاريه لها ساعه ام دينار لكنها تعرف جيمة الوقت
ومنظمه وقتها وعندها قلم بو نص ربيه لكنها إذا كتبت من جمال كتاباتها
تحفظ كلامها من أول نظرة

المساهمات : 205 تاريخ التسجيل : 11/06/2008 العمر : 30

واااااااااااااااااااااااو
يسلموو ع موضوع رائع
الله يعطيج الصحة والعافية

يسلموو ع مرور
أنين الحزن

المساهمات : 91 تاريخ التسجيل : 21/06/2008

يسلموو ع موضوع
الله يعطيج الصحة والعافية
هذي الدنياا غريبة

يسلموو ع مرور
m power